Nikola Paganini

62-  65. Nikola Paganini

Në gjysmën e parë të shekullit të 19- të krahas Rosinit, Belinit dhe Donixetit në Itali zhvilloi aktivitetin e tij artistik dhe Nikola Paganiani.

Ai lindi në qytetin e Gjenovës në 1782 dhe për edukimin muzikor u kujdes i ati.

Në moshën tetëmbëdhjetë vjecare bëri turneun e parë koncertal dhe që nga ajo kohë ai nuk u shkeput nga skena, gjithashtu kompozoi dhe mjaft vepra muzikore për violinë gjatë 40 viteve të ardhshme.

Paganini ishte trashgmtar i traditave të pasura të krijuara nga shkollat violinistike italiane të cilat fillojnë me Korelin e Vivaldin.

Paganini i pasuroi këto tradita  duke e lidhur virtuozitetin instrumental me kërkesat e reja që kishte romantizmi për një përmbajtje të shëndoshë, për emocione dhe ndjenja thellësisht njerëzore në veprat muzikore. Ai krijoi nje stil të ri të ekzekutimit që mbështetej në përdorimin e disa nuancave timbrike krejt të reja, në shfrytezimin  e njëkohshëm të picikatos dhe të harkut, në përdorimin e akordit me violinë, në glisandon kromatike me një gisht, në stakaton me hark, të rënit me një tel e të tjerë.

Krijimtaria e tij për violinë përmbledh

24 kapricot e famshme për violinë solo dhe disa koncerte për violinë, sonata, kuartete dhe disa variacione me temë nga operat.

Vlera e veprave të tij spikat me gjallëri atëherë kur ekzekutimi i tyre bëhet duke i qëndruar besnik me rigorozitet stilit të vecantë të të ekzekutuarit të krijuar nga vete ai.

Paganini la një mbresë të thellë në kulturën muzikore të shkullit XIX. Ndikimi u ndje si në muzikën violinistike dhe në ate instrumentale në përgjithesi. Të rejat që solli ai i bënë të tyret disa shkolla violinistike europiane dhe sidomos pianizmi romantik.