Origjina e muzikës dhe kultura muzikore në popujt e lashtë:

Origjina e muzikës dhe kultura muzikore në popujt e lashtë:

Procesi i krijimit të muzikës ka zgjatur me mijëra vjet. Kjo mund të krahasohet dhe me vetë procesin e gjatë të gjuhës së folur. Shumë shkencëtarë dhe studiues të muzikës kanë dhënë shumë mendime të ndryshme për lindjen e muzikës. Dikush thotë se prodhimi i tingujve muzikore ka origjinë biologjike, disa të tjerë mendonin se ishte imitim i melodive të zogjve apo duke e lidhur prejardhjen e muzikës me thirrjet që lëshonin njerëzit primitiv gjatë gjuetisë. Gjatë këtij procesi, u zhvlluan shqisat e ndryshme të njeriut dhe aparati i të folurit me anë të të cilit njeriu krijoi fjalët dhe tingujt e parë muzikorë.

           Arti i muzikës zuri vendin e tij në shoqëri që në rendin e bashkësisë primitive. Mijëra vjet para epokës sonë u krijuan meloditë e para, të cilat ishin shumë të thjeshta. Tek të pasurit muzika luante rol zbavitës, sepse plotësonte atmosferën e gostive dhe i thurte lavdi perëndive. Në popull ajo reflektonte jetën plot vështirësi dhe shpresën për një jetë më të mirë. Këto veçori përcaktuan tiparet e ndryshme të muzikës ceremoniale, të asaj fetare, këngët e skllevërve, të fshatarëve dhe zejtarëve.

Në lashtësi, në mënyrë të veçantë muzika u zhvillua në popujt e Kinës, Egjiptit, Mesopotamisë, Babilonisë, Indisë, Greqisë.